Mentras os xuvenís, practicamente en cuadro, con catro cadetes convocados, conseguían un valiosos empate en Dumbría frente ó lider da liga, o Cee, os maiores deixaban escapar dous puntos ante un rival dos que hai que ganar.
Os xuvenís puideron traer incluso un mellor resultado de materializar algunha das ocasións das que se disfrutaron durante a segunda metade. A tarde estivo chuviosa e desapacible, o que propiciou que o partido fora bastante feo.
O partido do domingo é deses que che deixan un sabor malo de boca, posto que no minuto dez de partido Rubén consigue o 1-0 de falta directa e na seguinte xogada, o árbitro decreta penalti a favor do Outes e expulsión do central Pensado. Todo parecía encarrilado. Pero fallouse o penalti, o xogo enrareceuse e o árbitro convirteuse no centro de atención con decisións mais que discutibles e ó fío do descanso o equipo visitante logrou o gol do empate. Logo desto dedicáronse a manter o resultado e intentar sair en rápidas contras nas que levaban perigo. O Outes intentou pero sin conseguir enfiar xogadas que acabaran en gol.
O numeroso público que, como ven sendo habitual, acudeu ó Conchido, foise un pouco desencantado polo pobre resultado acadado.
Para a vindeira semana rendiremos visita ó Muros B na tarde do sábado.
Entradas
No hay comentarios:
Publicar un comentario